Shperndaje në Facebook.

Zbulohet pas 15 vitesh, seriali “Njerëz dhe fate” qenka bazuar në këtë histori personale

“Njerëz dhe fate” ishte telenovela që bëri për vete mijëra shqiptarë kudo që ishin.

Me siguri të gjithëve u kujtohen fatet e Erës, Florit, Lolës të cilët na mbanin të mbërthyer pas ekranit. Mirëpo një pjesë e këtij seriali paska qenë e bazuar në histori reale.

Regjizorja dhe aktorja Egla Ceno ka treguar për ‘Gazetën Intervista’ se personazhi i Enit dhe i babait janë projektuar nga ajo, bazuar në historinë e saj personale.

Ajo ka thënë:

Po realizohej telenovela e parë shqiptare që më vonë publiku e njohu me emrin “Njerëz dhe fate”. Mu propozua por nuk kishte akoma një ide si do ishte. Mora laps e letër dhe nisa ta shkruaj. U nisa nga historia ime personale. Krijova të parin personazhin e babit tim i cili ka qenë kinooperator dhe vdiq në moshën 48 vjeçare kur unë isha ende adoleshente. Isha shumë e lidhur me të dhe doja që në një farë mënyre ai të vazhdonte të jetonte.Krijova “babin” dhe vajzën, që në telenovelë u quajt Era.

Doja në një farë mënyre të materializoja marrëdhënien me tim atë. Ngjarjet më larguan nga Tirana drejt Gjermanisë për studime dhe e braktisa atë projekt. U lumturova shumë kur mora vesh që personazhi i babit tim kishte ngelur dhe akoma më shumë që rolin e luante Robert Ndrenika.

Gjithashtu edhe për Erën. Eni është një mike e veçantë për mua edhe sot e kësaj dite dhe nuk mund të kishte pasur zgjedhje më të mirë për rolin e vajzës që kisha skicuar për vete. Sigurisht që do kisha dashur ta kisha çuar deri në fund, por nuk ishte e thënë.”

Shperndaje në Facebook.

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close